خواب میں منجنیق دیکھنا

Khwab Mein Minjaneeq Dekhna

خواب میں منجنیق دیکھنے کی تعبیر

حضرت ابن سیرین رحمۃ اللہ علیہ نے فرمایا ہے۔ اگر دیکھے کہ کسی شہر یا مسلمانوں کے قلعہ پر منجنیق سے پتھر گراتا ہے دلیل ہے کہ پشت پیچھے مسلمانوں کی بدی کرتاہے۔ اور اگر دیکھے کہ کافروں کے شہر یا قلعہ پر منجنیق سے پتھر گراتا ہے۔ دلیل ہے کہ ا ن کو دشمن جانے گا اور ان کو ہمیشہ بدی کرے گا۔

حضرت جابر مغربی رحمۃ اللہ علیہ نے فرمایا ہے۔ اگر دیکھے کہ شہر کے ارد گرد منجنیق لگا ہوا ہے اور شہر کی بنا کو خراب کر رہا ہے۔دلیل ہے کہ اس شہر کو دشمن کا خطرہ ہو گا۔ اور اگر دیکھے کہ منجنیق ٹوٹے ہیں یا آگ سے جلے ہیں۔ دلیل ہے کہ اس شہر کا بادشاہ دشمنوں پر فتح پائے گا اور شہر والے خوف اور دہشت سے امن میں رہیں گے۔